Cemiterio relixioso a carón da Igrexa parroquial de Boa. Aquí xace Antón Avilés de Taramancos e na súa honra plantouse una cerdeira na entrada.

Cemiterio relixioso rodeando a igrexa de Santa Mariña do Obre e pechado de muro de pedra, ten un importante cruceiro. Aquí xace Pedro García Lema coñecido como o "Greco galego".

Cemiterio relixioso rodeando a igrexa de Santa María de Argalo e pechado de muro de pedra, para acceder á igrexa hai que pasar por riba das tumbas. Nas aforas da aldea, a carón do río construíuse recentemente un novo cemiterio de deseño arquitéctonico interesante.

Cemiterio relixioso rodeando a igrexa de Santa María de Pedra e pechado de muro de pedra, para acceder á igrexa hai que pasar por riba das tumbas. Pegado ao muro ten restos de capiteis románicos. Cóntase que aparecera o corpo incorrupto dunha rapaza enterrada tempo atrás. Recentemente construíuse unha ampliación de moito interese arquitectónico.

Rodeando da ermida vella de Santa Cristina de orixe románico estaba o antigo camposanto medieval clausurado hai tempo, está pechado cun muro de pedra alto. Sobre entrada do cemiterio ten a Cruz de Santiago e nun lateral do muro cara o camiño ten un importante Peto de Ánimas. A Parroquia conta cun Cemiterio relixioso exento, a bastante distancia da igrexa.

Cemiterio civil construído nos noventa no entorno da Cova da Moura, de deseño inicial desafortunado, conta cun área de lecer a seu carón.