O Concello de Noia publica a convocatoria de axudas para a adquisición de libros de texto e material didáctico e para o financiamento do servizo de comedor escolar para educación Infantil e Primaria para o curso 2022-2023. 

O prazo para presentar solicitudes de ditas axudas estará aberto desde o 16 de xuño ata o 7 de xullo de 2022 (ambos os dous incluídos). 

As axudas que se piden para dous ou máis irmáns requerirán dunha solicitude para cada alumno. 

As solicitudes deben presentarse correctamente cubertas e coa documentación obrigatoria completa a través do Rexistro de entrada ou da sede electrónica do Concello de Noia (onde as persoas interesadas poderán atopar toda a información, modelo de solicitude, etc.).