O berberecho de Noia forma parte, desde o mes de outubro, da campaña Pescados y mariscos de España. A incorporación deste produto na campaña serve para pór en valor o bivalvo noiés. 

Este proxecto lévase a cabo coa colaboración da Federación Española de Confrarías. 

No acto estivo presente a concelleira de Comercio, Laura Salgado García, e o alcalde, Santiago Freire Abeijón. Así mesmo, o evento contou coa presenza do patrón maior da Confraría de San Bartolomé de Noia, Santiago Cruz, cos patróns maiores de Muros e Ribeira e co presidente da Federación Española de Confrarías. 

O rexedor valorou esta iniciativa e destacou o magnífico labor realizado pola Confraría de Noia e polos mariscadores e mariscadoras que realizan esta actividade económica "fundamental para o noso municipio", explicou Freire Abeijón.